لوګر کې د بڼونو خوندیتوب په پار د درمل شیندنې چارې روانې دي
۲۸ کب ۱۴۰۲ه.ش
۸ رَمَضانُ المُبارَک ۱۴۴۵ه.ق
د لوګر ولایت مرکز پُل علم په ګډون ددې ولایت ټولو ولسواليو کې دکرنې، اوبو لګولو او مالدارۍ رياست له لوري ونو ته د لایم سلفردرمل شیندنې چاری روانې دي.
لايم سلفر يوه ترکيبې او وقايوي درمل ده، چې په خپل ترکيب کې سلفر، چونه او اوبه لري، ياده وقايوي درمل په غوښينو مېوو دتاک يا انګورو په ګډون د مڼو، ناک او نورو... ونو باندی تطبقیږي.
د لوګر دکرنې ریاست د چارواکو په خبره دغه پروګرام د لوګر دکرنې ریاست د پراختیایي بودیجې له لارې پلي کېږي، چې موخه یې د بڼوالو د بڼونو خوندي کول دي.
ونو ته د لایم سلفر د درمل شیندنې لړۍ د کب په میاشت کې مخکې ل دې، چې ونې غوټۍ وکړي(د استراحت په وروستیو ورځو کې وی) پلي کېږي، دغه درمل د ونو خاکسترک، چيچک، پاڼې سوري کېدنه او دنباتي کنو له منځه وړلو کې اغېزمن تمامېږي.
