کندهار کې د پلم ونو ترویج په پار پر یوشمېر بڼوالو نیالګې ووېشل شوه
۲۶ کب ۱۴۰۲ه.ش
۶ رَمَضانُ المُبارَک ۱۴۴۵ه.ق
د کندهار دکرنې، اوبولګولو او مالدارۍ ریاست د همکارو مؤسسو په همکارۍ په دې ولایت کې د پلم ونو د ترویج په پآر پر یوشمېر بڼوالو د پلم او ګرنګیچ نیالګي وېشلي دي.
د کندهار دکرنې ریاست د چارواکو په خبره ددې پروسې له لارې د کندهار ولایت په ارغنداب ولسوالی کې پر ۵۲ بزګرانو د پلم او ګرنګیچ اصلاح شوي نیالګي او کیمیاوي سرې وېشل شوي دي.
دغه نیالګي په دې ولایت کې د پلم ونو د ترویج، د بزګرانو ملاتړ او په ټوله کې ددې ولایت د بڼوالۍ سکټور ودې او پراختیا په موخه پر یادو بزګرانو وېشل شوي دي.
