خوست کې شنې خونې او د سټروسو بڼونه ګټې اخیستنې ته وسپارل شول

د خوست دکرنې، اوبولګولو او مالدارۍ ریاست چارواکي وايي، چې په دې ولایت کې د کروندګرو د ملاتړ په پآر د کرنې وزارت د پراختیایي بودیجې له لارې پنځه شنې خونې او لس د سټروسو بڼونه جوړ او ګټې اخیستنې ته سپارل شوي دي.
د خوست دکرنې ریاست د چارواکو په خبره دغه پنځه شنې خونې د خوست ولایت په مرکز او تڼیو ولسوالی او دغه راز لس د سټروسو بڼونه ددې ولایت د «باک، صبری، ګربز، تڼی او اسمعیل خېلو» ولسوالیو کې د کرنې وزارت له پراختیایي بودیجې څخه د ۱.۷ میلیونه افغانیو په لګښت جوړې شوي دي.
د یادو شنوخونو او سټروسو بڼونو د جوړولو موخه د بزګرانو ملاتړ، د سټروسو بڼونو دودول، او په ټوله کې ددې ولایت دکرنې او بڼوالۍ سکټور ودې او پراختیا ته زمینه برابرول دي.