د ننګرهار کانال د خرما بڼ حاصلات په ډېرېدو دي
۱۹ کب ۱۴۰۲ه.ش
۲۸ شَعبان المُعَظّم ۱۴۴۵ه.ق
د ننګرهار دکانال ریاست چارواکي وایي، چې د ننګرهار کانال سیمه کې د خرماوو ترویج په پار د خرماوو لسګونه جریبه بڼونه جوړ شوي دي، چې په دغو بڼونو کې زرګونه اعلی درجه د خرماوو ونې کرل شوي دي.
د ننګرهار کانال شرکت چارواکي وایي، چې تېر کال د خرماوو ۹۰۰ ونې القاح شوې او ۲۰ ټنه حاصل ورکړ او سږکال د خرما ۱۴۰۰ ونې القاح شوي دي، چې د حاصلات به یې د تېرکال په پرته ډېر وي.
د چارواکو په خبره ددغو بڼونو له ډلې ۲۵ جریبه یې چې شاوخوا ۱۲۰۰ د خرماوو بڼونه په کې دي نږدې یونیم کال وړاندې او پاتې ۴۰ جریبه نور یې لسیزه وړاندې جوړ شوي دي، چې تر پرله پسې حاصل ورکونې وروسته یې حاصلات په زیاتېدو دي.
د چارواکو په خبره د خرماوو حاصلاتو د زیاتوالي لامل د نورو اګرو تخنیکي فعالیتونو ترڅنګ په خرما بڼ کې د نرمکارۍ، د هرزه ګیاو راټولول، د خرما د وږو ( خوشو ) قاتول او منظمول، د ونو د سکرونو پاکول، د ښه حاصل ترلاسه کولو لپاره د یوریا سرې کارول دي.
