کندهار کې د ځمکې غصب او غصب شويو ځمکو بېرته راکرځولو کمېټې غونډه دائره شوه
۱۰ کب ۱۴۰۲ه.ش
۱۸ شَعبان المُعَظّم ۱۴۴۵ه.ق
کندهار کې د ځمکې غصب او غصب شويو ځمکو بېرته راکرځولو کمېټې غړو د کندهار دکرنې رييس الحاج مولوی فضل الباري فضلي په مشرۍ غونډه دائره کړه.
د غونډې په پيل کې د کندهار دکرنې رییس او د کمېټې مشر الحاج مولوی فضل الباري فضلي وينا ويلو ترڅنګ د تېرې غونډي دپريکړو دتطبيق ارزونه وکړه.
په دې غونډه کې دی یوشمېر اشخاصو ترمنځ حقوقي دوسيې، وڅېړل شول او په هکله یې لازمې پرېکړې وشوې.
په دې غونډه کې د غورک ولسوالی د سریاس کلي د اوسیدونکو د ستونزو، د غورک ولسوالی د اوبو بند دسیمې ځمکې، د غورک او خاکریز ولسوالۍ د موضوع، د سپین بولدک ولسوالی د ښاروالی او خلکو ترمنځ موضوع او د سپین بولدک ولسوالی د باشمول کلي د موضوع په هله خبرې اترې وشوې
دغه راز د غونډې په ترڅ کې پر یوشمېر نورو مهمو موضوعاتو هم خبرې وشوې او د عاریضونو دوسیې او ستونزې وڅېړل شول.
تخنیکي پلاوي همدارنګه د یو شمېر ولسي وګړو املاکي ستونزې هم واورېدې او د موضوعاتو حل په موخه ورته د اصولي کړنو ډاډ ورکړل شو.
بايد وويل شي، چې د کندهار ولايت د ځمکې د غصب مخنيوي او غصب شويو ځمکو د بېرته راګرځولو کمېټه تر دې دمه په دې ولايت کې د ډېرو ځمکو د غصب مخه نيولي او ترڅنګ يې ډېر غصب شوي ځمکې بېرته راګرځولي دي.
