د ننګرهار دکرنې رییس د سیمول هال دفتر عمومي رییس سره وکتل
۲۵ سلواغه ۱۴۰۲ه.ش
۳ شَعبان المُعَظّم ۱۴۴۵ه.ق
د ننګرهار د کرنې، اوبولګولو او مالدارۍ رییس مولوي عبدالستار محمد د سیمول هال دفتر رییس داکتر نسیم مجیدي سره په کتنه کې د بېرته راستنېدونکو کورنیو ته د ځمکو وېش، اقلیمي بدلونونو، بشري مرستو، کورنیو بیځایه شویو او راتلونکي پلانونو خبرې وکړې.
د ننګرهار د کرنې، اوبولګولو او مالدارۍ رییس مولوي عبدالستار محمد په ننګرهار کې د وکړو زیاتوالي، اجباري را ایستل شویو کورنیو، وچکالۍ، اقلیمي بدلونونو، راتلونکي پلانونو، ځنګلونو بیا رغونې، د ځمکو وېش او ګڼو نورو برخو کې معلومات وړاندې کړل.
ښاغلي محمد د سیمول هال دفتر له مسولینو څخه بېرته راستنو شویو کورنیو ته د بشري مرستو ترڅنګ د سرپناه، خوراکي توکو، زده کړو، روغتیا، کرنې، مالدارۍ او اوبو بندونو، سربندونو، شیدو غواګانو وېش، چرګانو فارمونو، کورنیو باغچوجوړولو، اصلاح شوي تخمونو، کیمیاوي سرو او خلکو ته د کار زمیني برابرولو غوښتنې وکړې.
په همدې حال کې د سیمول هال دفتر رییس داکتر نسیم مجیدي وویل، چې موږ ستاسي معلومات او غوښتنې په افغانستان کې د هغو پروژو او مؤسساتو سره، چې د کډوالو او اقلیمي بدلونونو په برخه کې کار کوي؛ شریکوو ترڅو په ننګرهار کې د اقلیم بدلون او کډوالو ته په مختلفو برخو کې چوپړتیاوې وړاندې شي.
