پروان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
پروان کې د ځمکې غصب او غصب شويو ځمکو بېرته راکرځولو کمېټې غړو ددې ولایت د تخنیکي پلاوي رییس مولوی محمد رحیم نعماني په مشرۍ غونډه دائره کړه.
د غونډې په پيل کې د پروان ځمکې غصب مخنیوی د کمېټې مشر مولوی محمد رحیم نعماني لارښوونکې وينا ترڅنګ د تېرې غونډي دپريکړو دتطبيق ارزونه وکړه.
په دې غونډه کې د تخنیکي غړو د سفرونو په هکله د خبرو اترو ترڅنګ د سیمینار لپاره هم کسان ور وپېژندل شول او هغه دوسیې، چې بررسي شوي ؤ د اوروستیو کړنو په موخه کمیسیون ته واستول شول او د کمیسیون له خوا پر استول شویو جدولونو هم کړنې تر سره شوې.
دغه راز یاد پلاوي د پروان والي الحاج مولوی عبدالعلي «قدرت الله امیني» سره په کتنه کې ددې کمېتې کړنې او لاسته راوړنې یې وسره شریکې کړې، چې د پروان والي د دوی کړنې وستایلې او د هر ډول همکاریو ډاډ یې ورکړ.
بايد وويل شي، چې د پروان ولايت د ځمکې د غصب مخنيوي او غصب شويو ځمکو د بېرته راګرځولو کمېټه تر دې دمه په دې ولايت کې د ډېرو ځمکو د غصب مخه نيولي او ترڅنګ يې ډېر غصب شوي ځمکې بېرته راګرځولي دي.
