د لغمان دوو ولسوالیو کې پر سلګونو بزګرانو د خوراکي توکو وېش لړۍ پیل شو
۱۸ سلواغه ۱۴۰۲ه.ش
۲۶ رَجَب المُرَجَّب ۱۴۴۵ ه.ق
د لغمان دکرنې، اوبولګولو او مالدارۍ ریاست د جک مؤسسې په همکارۍ ددې ولایت د دوو ولسوالیو «قرغه یې او الینګار» پر ۳۱۲۰ مستحقو بزګرانو د خوراکي توکو وېش لړۍ پیل کړی دی.
د لغمان دکرنې، اوبولګولو او مالدارۍ ریاست د چارواکو په خبره ددې مرستې په لړ کې پر هرې کورنۍ پنځه ډوله خوراکي توکي، چې په کې ۵۰ کیلو ګرامه اوړه، ۴ کیلوګرامه لوبیا، پنځه لیټره غوړي او ۵۰۰ ګرامه مالګه شامل دي وېشل کېږي.
له دغو مرستو څخه د الینګار ولسوالی ۱۵۶۰ او د قرغه یې ولسوالی ۱۵۶۰ بزګران برخمن کېږي.
ددې مرستې موخه د بې وزله او اړمنو بزګرانو لاسنیوی او ملاتړ دی، ترڅو په دې برخه کې د دوی یوشمېر ستونزې هوارې شي.
د لغمان دکرنې، اوبولګولو او مالدارۍ ریاست هلې ځلې کوي، چې د مرستندویو مؤسسو په همکارۍ ددې ولایت بزګرانو او مالدارانو سره هر اړخیزې مرستې او همکارۍ وکړي.
