لغمان کې د بادامو قوریه جوړېږي
۱۷ سلواغه ۱۴۰۲ه.ش
۲۵ رَجَب المُرَجَّب ۱۴۴۵ ه.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په همکارۍ ددې ولایت د مرکز مهترلام په حکیم آباد کلي کې د بادامو قوریه جوړوي.
د چارواکو په خبره ددې قوریې د جوړولو په موخه پر اړوندو بزګرانو د بادامو تخمونه وېشل شوي او ترڅنګ یې دوی ته د بادامو قوریې جوړولو په موخه زده کړې هم ورکړل شوي دي.
د یادونې وړ ده، چې د بادامو د دغو قوریو نیالګي به په راتلونکې کې ددې ولایت د ټولنو پر وغوړو ووېشل شي.
