هلمند کې د بولان طبیعي ځنګل د رغولو چارې پیل شوې
۱۱ سلواغه ۱۴۰۲ه.ش
۱۹ رَجَب المُرَجَّب ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست لخوا د بولان طبیعي ځنګل کې د نوو نیالګیو اېښودلو او رغولو چارې پیل شوې .
ددې پروسې له لارې دامهال په لسګونه جریبه ځمکه کې د زینتي نیالګیو لپاره د غوچو وهلو چارې پیل شوي دي چې په تعقیب به یې د نیالګیو اېښودلو پروسه هم پکې عملي کېږي.
ددې ترڅنګ به د ځنګل د اوبو لښتیو پاک کاري او هغه سیمې چې د اورلګیدنو او بېلابېلو عواملو له امله یې نیالګي او ونې له منځه تللې وې بیارغول کېږي.
دیادولو وړ ده، چې د بولان طبیعي ځنګل په شاخوا ٧٠٠ جریبه ځمکه کې جوړ دی، چې د هلمند ولایت په کچه یو له مهمو ځنګلونو څخه دی، په همدې موخه یې د رغونې، حفظ او مراقبت په برخه کې نورې پراختیایي چارې هم په پام کې نیول شوي دي.
