د لوګر دکرنې ریاست او د لوګر لوړو زده کړو موسسې د کرنې پوهنځۍترمنځ د ګډو همکاریو تړون لاسلیک شو
١٠ سلواغه ۱۴۰۲ه.ش
١٨ رَجَب المُرَجَّب ۱۴۴۵ ه.ق
د ګډو همکاریو دغه تړون د لوګر د کرنې، اوبولګولو او مالدارۍ رییس مولوي سیدامین هاشمي او د لوړو زده کړو موسسې رییس پوهنمل دکتور شفیق الله شفقت لخوا لاسلیک شو.
د یاد تړون له مخې به د لوګر کرنې او مالدارۍ ریاست د دغې موسسې د کرنې پوهنځي زده کړیالانو ته د عملي کار او همدارنګه د څېړنیزو فارمونو، شنو ساحو، مېوه لرونکو او غیرې مېوه لرونکو نیالګیو، کرنیزو تخمونو او کمیاوي سرو په برخو کې همکاري کوي. او همدارنګه لوګر د لوړو زده کړو موسسه به د اړتیا پر وخت بزګرانو ته دعامه پوهاوي، کرنې ریاست سره د کرنیزو علمي څېړنو شریکولو او نورو اړینو برخو کې پوره همکاري کوي.
باید یاده شي، چې راتلونکی پسرلی به لوګر د لوړو زده کړو موسسې د کرنې پوهنځۍ زده کړیالان د لوګر کرنې او مالدارۍ ریاست اړوند د پنبې او اېنجې له کرنیزو فارمونو څخه د علمي څېړنو او تجربو ترلاسه کولو په موخه وخت پر وخت لیدنې کوي.
