د کرنې وزارت د ځمکو چارو ریاست لخوا د حبيب الله ځاځي ښارګوټي او پارک د ځمکو سروې پیل شو
د کرنې، اوبو لګولو او مالدارۍ وزارت د د ځمکو چارو ریاست د غیر رسمي ښاري سيمو د ثبت رياست لخوا د حبيب الله ځاځي د ښارګوټي او پارک ځمکو د سروې چارې پیل شوي دي.
ياده ځمکه چې د بګرامي ولسوالی په سيمه کې پرته ده په درې قطعې چې ټولیزه کچه یې نږدې ۳۹۰ جریبه اټکل شوې، چې د غصب شویو ځمکو د مخنيوي کميسيون لخوا استرداد شوې ده.
باید وویل شي، چې دغه استرداد شوې ځمکه د ځمکو چارو ریاست د غير رسمي ښاري سيمو د ثبت رياست د تخنيکي او مسلکي کارکوونکو له لورې سروې او وروسته له هغه به یاده ځمکه د عامه ګټو لپاره وکارول شي.
