ترانسپورت او هوایي چلند وزارت ته د موټرو د تم ځایونو او الکټرونکي دروازو د ځمکو د لېږد په پار غونډه دائره شوه

mail-admin
سه‌شنبه ۱۴۰۲/۱۰/۲۶ - ۱۵:۳۵
ترانسپورت او هوایي چلند وزارت ته د موټرو د تم ځایونو او الکټرونکي دروازو د ځمکو د لېږد په پار غونډه دائره شوه

۲۶ مرغومې ۱۴۰۲ه‍.ش
۴ رَجَب المُرَجَّب ۱۴۴۵ ه‍.ق
دکرنې، اوبولګولو او مالدارۍ وزارت د ځمکو چارو ریاست د ترانسپورت او هوايي چلند وزارت ته په ۲۹ ولايتونو کې د باروړونکو او مسافر وړونکو ترمينلونو، تيرپارکونو او الکترونيکي دروازو د جوړولو په موخه د ځمکو د لېږد په پار غونډه دائره کړه.
یاده غونډه، چې مشري یې د کرنې وزارت د ځمکو چارو رییس مولوي محمود مظلوم کوله د ترانسپورت او هوایي چلند وزارت د پروژو د تحقیق، تطبيق او پلان جوړونې رییس انجنیر رستم حفيظ یار، د دغه وزارت حقوقي سلاکار الحاج مولوي المظهري او د اراضۍ ریاست د تصفيې يو شمېر کارکونکو هم ګډون درلود
یاده غونډه د تېرې غونډې په دوام له ولايتونو څخه راغلي ټيمونو د فعاليتونو او د هغو د کارونو په اړه دائره شوې وه.
په پيل کې د کرنې وزارت د ځمکو چارو رییس له ولايتونو څخه راغلي ټيمونو د کار او د هغو د فعاليتونو په اړه پوښتنې وکړې. ورپسې د ټولو کارکوونکو په استازيتوب ميرويس خوږمن د تصفيې عمومي مدير په ولايتونو کې د خپلو فعاليتونو، موجوده ستونزو او د ځمکو د تثبيت او حق مالکیت په اړه مکمل راپور په تفصيلي توګه د اراضۍ رییس ته وړانډې کړ.
په پای کې د کرنې وزارت د اراضۍ رییس مولوي محمود مظلوم ټولو ټيمونو ته دنده وسپارله ترڅو خپلې دندې په ځانګړې توګه د ځمکو سروې او تثبيت حق مالکیت په برخه کې په پوره ايماندارۍ، صداقت او د عالیقدر امیرالمؤمنین حفظه الله د حکم پر بنسټ ترسره کړي.
باید وویل شي، چې څو موده مخکي د ترانسپورت او هوايي چلند وزارت سره په ۲۹ ولايتونو کې د مسافر وړونکو او باروړونکو ترمينلونو، تيرپارکونو او الکترونيکي دروازو د جوړولو لپاره د اراضۍ ریاست لخوا دغه وزارت ته د ځمکې انتقال غونډه دايره شوې وه، چې د اراضۍ ریاست له لورې ټیمونه اړوندو ولايتونو ته د سروې او تثبت لپاره استول شوي و.

تازه ترین اخبار

یکشنبه ۱۴۰۴/۹/۹ - ۱۴:۶
Background image

هلمند کې د غوښینو چرګانو د تولید په پار سلګونه زره هګۍ وارد شوې

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
دهلمند ولایت د کرنئ، اوبولګولو او مالدارۍ ریاست په هڅو، د مالدارۍ او حیواني روغتیا آمریت سره په همغږۍ، په هلمند ولایت کې د محمد هلمندوال. . .

یکشنبه ۱۴۰۴/۹/۹ - ۱۲:۱۱
Background image

د کرنې او مالدارۍ مرستیال په کابل کې له خپل ازبکستاني سیال سره وکتل

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
د افغانستان اسلامي امارت د کرنې، اوبو لګولو او مالدارۍ وزارت د کرنې او مالدارۍ مرستیال مولوي صدراعظم عثماني، د یاد وزارت په مقر کې د. . .

یکشنبه ۱۴۰۴/۹/۹ - ۱۲:۷
Background image

هلمند کې د بې‌کیفیته شاتو د مخنیوي په تړاو ګډه ناسته تر سره شوه

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا امریت امر حافظ هدایت الله هدایت  او اړونده مدیرانو، د. . .

بازگشت