د پکتیا دکرنې رییس ددې ولایت د علماؤ شورا له رییس او غړو سره وکتل
۱۰ مرغومې ۱۴۰۲ه.ش
۱۸ جُمَادَى الثاني ۱۴۴۵ ه.ق
د پکتیا علماؤ شورا رییس او غړي یې ددې ولایت دکرنې، اوبولګولو او مالدارۍ ریاست له رییس الحاج مولوی عبدالرؤف سعید او ددې ریاست له کارکوونکو سره د ګډې ناستې په ترڅ کې پر بېلابېلو موضوعاتو خبرې اترې وکړې.
په دې ناسته کې د پکتیا د کرنې، اوبولګولو او مالدارۍ رییس الحاج مولوی عبدالرؤف سعید د خبرو پر مهال د علماؤ شورا له غړو او مسؤلینو څخه مننه وکړه او د کرنې ریاست له اړخه یې د یوه مسؤل په حیث تر ډېره د اصلاح ډاډ ورکړ.
د پکتیا د علماؤ شورا رییس مولوی صالح محمد فقیر په خپلو خبرو کې د کرنې ریاست کارکوونکې وهڅول، چې ټولنې او جامعې ته داسې ځــــــوانان وړاندې او تقدیم کړي، چې د عصري زده کړو ترڅنګ دیني او فکري پوهه هم ولري.
همدارنګه د علماؤ شورا غړي مولوي محمد شفیق ګــډې ناستې ته د علماؤ شورا پر ماهیت، ارزښت او اهمیت معلومات ورکړل.
