د غزني دکرنې ریاست یوشمېر کارکوونکي وروزل شول
۵ مرغومې ۱۴۰۲ه.ش
۱۳ جُمَادَى الثاني ۱۴۴۵ ه.ق
د غزني دکرنې، اوبولګولو او مالدارۍ ریاست وایي، چې ددې ریاست اړوند یوشمېر کارکوونکو ته د وړتیالوړنې په پار روزنیز پروګرام دائره شوې وه.
ددې روزنیز پروګرام په پیل غونډه کې د غزني دکرنې، اوبولګولو او مالدارۍ رییس مولوی محمدادریس حنیف وویل: «د یوې ادارې د ښه نظم او د بريالیو کړنو لپاره داسې روزنیزو پروګرامونو ته لویه اړتيا ده، چې له امله یې یوه اداره د بریالیتوب په طرف یون کولای شي، د اداري چارو ټول کارکونکي باید په داسې روزنیزو پروګرامونو کې برخه واخلي ترڅو یې اداري کړنې لاهم په اصولي او قانوني چوکاټ برابري شي.»
ددې روزنیز پروګرام موخه د کارکوونکو وړتیاو لوړول ښودل شوي دي.
