دخرماوو حاصلاتو زیاتوالي په پار هڅې؛ هلمند کې د خرماوو نوې بڼونه جوړ شوي
١۵ لیندۍ ۱۴۰۲ه.ش
۲۳جُمَادَى الأول ۱۴۴۵ ه.ق
د هلمند دکرنې، اوبولګولو او مالدارۍ ریاست چارواکي وایي، چې په دې ولایت کې یې د خرماوو د حاصلاتو زیاتوالي په پار د هلمند ولایت په مرکز او یوشمېر ولسوالیو کې د کرنې وزارت د پراختیا یي بودیجې له لارې د خرماوو لس جریبه نوې بڼونه جوړ کړي دي.
د هلمند دکرنې ریاست چارواکي وایي، چې په دې ولایت کې د خرماوو بڼونه جوړ شوي دي، چې د اسلامي امارت تر بیا واکمنېدو وروسته لس جریبه نور بڼونه هم جوړشول، چې څو ډوله خرما په کې شتون لري.
د هلمند دکرنې ریاست مسوولینو دغو بڼونو څخه د لیدنې په ترڅ کې اړونده بزګرو ته د خرماوو د بڼونو ښې روزنې او پالنې سپارښتنې وکړې او ترڅنګ یې بڼوالو ته لازمې مشورې هم ورکړل شوي دي.
خرما په هلمند کې ښې پایلې ورکوي. خرما هغه نبات دی، چې په شګمنو ځمکو کې ښه وده کوي.
