د هلمند مارجه کې لسګونه بزګران او بڼوال وروزل شول
١۳ لیندۍ ۱۴۰۲ه.ش
۲۱جُمَادَى الأول ۱۴۴۵ ه.ق
د هلمند ولایت دکرنې، اوبولګولو او مالدارۍ ریاست اړوند د مارجې ولسوالی کرنیزو خدمتونو مدیریت لخوا، د کوار خیریه مؤسسې په مالي مرسته نږدې ٩٦ تنو بزګرو او بڼوالو روزل شوي دي.
ددې روزنیز پروګرام په ترڅ کې یادو بزګرو او بڼوالو ته د نوې او عصري ماشینرۍ کارونې او د نباتي ناروغیو مخنیوی په اړه په عملي او نظري ډول زده کړې ورکړل شوي دي.
له دغو روزنیزو پروګرامونو څخه برخمن شوي بزګر او بڼوال له دې پروسې څخه خوښي وښوده او راتلونکي کې یې هم د کرنې ادارې څخه په دې برخه د دوامداره همکاریو غوښتنه وکړه .
