ننګرهار کانال شرکت کې د زابرونو پاک کارۍ چارې پیل شوې

د ننګرهار کانال شرکت چارواکي وایي، چې د زهکشۍ او خاورې اصلاح په موخه په درېيم فارم کې د یو کیلومتر  په اوږدوالي د زابرونو پاک کارۍ چارې پېل شوي دي. 
زهکشۍ پروسه د عصري کرنې لپاره ېو له مهمو او د پاملرنې وړ کرنیزو عملیو څخه ګڼـل کېږي. 
د ننګرهار د کانال شرکت د درېيم فارم امر انجنیر قیس الله ابراهیم خېل وویل: «له کلونو راهیسې د درېيم فارم دوهم بلاک ۹۷ او ۹۹ نمره ځمکو ترمنځ واقع زابرونه نه و پاک شوي، اوس چې له خېره پاکېږي له برکته به يې ورسره د خاروې اصلاح وشي، زیم به يې لری شي، پي ایج به يې راښکته او برابر شي، دا ځمکې به وچې شي، د اوبه خور سیستم به ورسره منظم شي او په پایله کې به ورسره له شته ځمکو لوړ حاصل راټول شي.»
دا زابرونه د دوو کرنیزو شرکتونو په کابو سل زره افغانیو مالي لګښت د اوو ورځو په موده کې پاکېږي.