پکیتا کې د ونو افتونو او ناروغیو مخنیوي په پار کمپاین پیل شو
۲۷ لړم ۱۴۰۲ه.ش
۵ جُمَادَى الأول ۱۴۴۵ ه.ق
د پکتیا ولایت دکرنې، اوبولګولو او مالدارۍ ریاست اړوند د بوټوساتنې لوی مدیریت له خوا د زرمت ولسوالی په بېلابېلو کلیو کې د ونو د یوریا سپرې کمپاین پیل شوی دی.
دغه کمپاین د دې ولایت په زرمت ولسوالی کې د څلورو ورځو په لړ کې پلي کېږي، چې په ترڅ کې یې د یاد ولسوالی د بڼوالو بڼونه له مضره حشراتو خوندي او ترڅنګ یې بڼوالو ته د یوریا سپرې د کارولو په برخه کې روزنه هم ورکول کېږي.
ددې پروګرام موخه له افتونو او ناروغیو د بڼونو خوندیکول، د بزګرانو روزل او په ټوله کې دکرنې او بڼوالۍ ودې او پراختیا ته زمینه برابرول دي.
د یادولو وړه دی چې یاد پروګرام د پکتیا ولایت په څمکنیو ولسوالی کې هم جریان لري.
