هلمند کې د ځمکو د غصب مخنیوی تخنیکي پلاوي غونډه دائره شوه
٢۲ لړم ۱۴۰۲ه.ش
٢۹ ربیعالثاني ۱۴۴۵ ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۷۸مه نوبتي غونډه ترسره کړه.
د هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوي خپله ۷۸مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
تخنیکي پلاوي په دې غونډه کې د مهاجرینو د ښارګوټي، د پوهنې ریاست د غصب شویو ملکیتونو، په بولان کې د حاجي داودشاه رحیمي تر دعوې لاندې ځمکې، په ګرشک کې د حاجي طیب د مدعیبها ځمکې، د نفت او ګازو دولتي شرکت اړوند ځمکې، د کریکیټ لوبغالي ته څېرمه امارتي ځمکې، د ناوې په ولسوالی کې د اشخاصو ترمنځ د امارتي ځمکې، بولان سیمه کې د ناقلینو تر دعوې لاندې ځمکې، ګرشک ولسوالی کې د ٩٠ جریبه امارتي ځمکې، ګرمسیر ولسوالی کې د یوې اندازې ځمکې او په سنګین ولسوالی کې د دوکانو د ځمکو موضوعاتو باندې هر اړخیزې خبرې وکړې او د بېلابېلو موضوعاتو په اړه لازم تصمیمونه ونیول شول.
یاد پلاوي همدارنګه د امار/تي ځمکو د ذوالیدې اړوند املاکي دوسیې د یولړ اجرائتو وروسته د اصلي او معتبر ذوالید د تثبیت په موخه د مرکز لښکرګاه او ولسوالیو محاکمو ته محول کړل.
تخنیکي پلاوي وروستیو کې د یو شمېر ولسي وګړو املاکي ستونزې هم واورېدې او د موضوعاتو حل په موخه ورته د اصولي کړنو ډاډ ورکړل شول.
