د پکتیکا اومنه کې پر یوشمېر بزګرانو د غنمو اصلاح شوی تخم او کیمیاوي سرې وېشل شوي
۷ لړم ۱۴۰۲ه.ش
۱۴ ربیعالثاني ۱۴۴۵ ه.ق
د پکتیکا ولایت دکرنې، اوبولګولو او مالدارۍ ریاست د ملګرو ملتونو د خوړو اوکرنې ادارې په همکارۍ ددې ولایت د اومنه ولسوالی پر یوشمېر بزګرانو د غنمو اصلاح شوي تخمونه او کیمیاوي سرې وېشلي دي.
ددې مرستې په لړ کې هر بزګر ته ۵۰ کیلو ګرامه د غنمو اصلاح شوی تخم ۵۰ کیلو توره کېمیاوي سره او ۵۰ کیلو یوریا سپینه سره وېشل شوي دي.
ددغو مرستو ترڅنګ یادو بزګارنو ته د غنمو کرکېلي او پالنې په هکله هم عامه پوهاوی ورکړل شوي دي.
د دې مرستې د وېش موخه د بېوزله بزګرانو ملاتړ او په ټوله کې د دوی د کرنیزو محصولاتو زیاتوالی له لارې د دوی عوایدو زیاتوالي ته زمینه برابرول دي.
