د ننګرهار د کرنې ریاست اداري غونډه دائره شوه
د ننګرهار د کرنې، اوبولګولو او مالدارۍ ربیس مولوي عبدالستار محمد او مرستیال قاري فضل الرحمن صادق په مشرۍ د کرنې ریاست اداري غونډه دائره شوه.
په دغه غونډه کې د ریاست امرینو او لویو مدیرانو ګډون کړی وو، په ترڅ کې یې په تېره غونډه کې سپارل شویو دندو اومسولیتونو په تړاو معلومات شریک شول او هغه چارې چې نه وې ترسره شوې په اړه یې اړونده مسولینو وضاحت وړاندې کړل.
د ننګرهار د کرنې، اوبو لګولو او مالدارۍ رییس په خپلو خبرو کې دنبوي سنت، سیرت او اسلامي شرعي احکامو په رڼا د کرنې ریاست اړوند امرینو او مدیرانو ته لازمې سپارښتنې وکړې .
دغه راز امریتونو او مدیریتونو کې د نظافت مراعتولو، دامریتونو اړتیاوو، د کار کوونکو ترمنځ د غوره همغږۍ، د مراجعینو لپاره د مشخص ځاي معلومولو، ترویجي تعمیرونو ترمیم او سپارلو، د کرنې ریاست فعالیتونو ته انعکای ورکولو، دحاضري پابندي، د کارکونکو ارزیابۍ، د میاشتنۍ کړنو او لاسته راوړنو راپور په وخت ورکولو او د ادارې د کارکوونکو له لورې د سلسله مراتبو په مراعت او په اړونده برخو کې پر نورو مسایلو خبرې وکړې.
همدارنګه د غونډې په ترڅ کې ګډونوالو خپل کړي فعالیتونه، راتلونکي پلانونه او ستونزې د حل په موخه شریکې کړې، چې د کرنې رییس له لوري د حل ډاډ ورکړل شو.
