پکتیا کې یوشمېر مالداران وروزل شول
۱ لړم ۱۴۰۲ه.ش
۸ ربیعالثاني ۱۴۴۵ ه.ق
د پکتيا ولايت د کرنې، اوبولګولو او مالدارۍ رياست اړوند د مالدارۍ او حيواني روغتيا آمريت له لورې د پکتیا مرکز اړوند خطابې کلي کې ۱۰ تنو مالداران د حيواني خوراکې(سايليج) جوړولو په برخه کې وروزل شول.
دپکتیا دکرنې ریاست د تغذیې مدیر عزت الله صدیقي وایي یاده حیواني خوراکه د شنو وښو څخه جوړېږي، مالدارانو ته ډېر اقتصادی تمامیږی، د څارویو لپاره ډېره ګټوره ده او د محصولاتو په زیاتوالی کې مهم رول لري.
ښاغلی صدیقي زیاته کړه که چېرې مالداران غواړي چې نوموړی خوراکه د خپلو څارویو لپاره چمتو کولو لارې چارې زده کړي د پکتیا ولایت کرنې، اوبولګولو او مالدارۍ ریاست اړوند د مالدارۍ آمریت ته د مراجعه وکړي.
