کونړ کې د چرګانو روزنې ټولنه جوړه شوه
۱ وږی ۱۴۰۲ه.ش
۶ صَفَرُ المُظَفَّر ۱۴۴۵ه.ق
دکونړ دکرنې، اوبولګولو او مالدارۍ ریاست د هدایت پر اساس په دې ولایت کې د چرګانو روزنې ډ تولنې مدیره پلاوي وټاکل شو.
په دې اړه جوړه شوې غونډه کې د کونړ ولایت دکرنې، اوبولګولو او مالدارۍ رییس مولوي شيرآقا( پيرحبيب الرحمن)، د مالدارۍ خدماتو او څارويو د روغتيا امر ډاکتر ګل الرحمن حنانزی، د مالدارۍ عمومي مدير ډاکټر نورالدين سادات او د چرګانو د ټولنې رییس ګډون درلود.
په دې غونډه کې د کونړ دکرنې رییس مولوی شیراقا (پیرحبیب الرحمن) د چرګانو روزنې سکټور ټولو چاراکو ته دهرراز همکاریو د ډاډ ترڅنګ وویل، چې د چرګانو روزنې د سکټور پراختیا لپاره هر ډول مرستې او هکارۍ ته چمتو دي، او په هر حال کې به چاته اجازه ورنکړي، چې د چرګانو روزنې سکټور دې زیانمن کړي.
په دې غونډه کې د چرګانو روزنې د ټولنې مدیره پلاوي تر ټاکلو وروسته ددې سکټور پر وړاندې پر شته ستونزو د خبرو اترو ترڅنګ ددغو ستونزو د حل په پار د چارواکو ترمنځ نظرونه او وړاندیزونه هم شریک شول.
