دننګرهار څېړنیز فارم سره د مېوو او جوارو تخمونو تولید په برخه کې مرسته وشوه
۳۱ زمری ۱۴۰۲ه.ش
۵ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست اړوند څېړنیز فارم کې هلال هډوال کرنیز شرکت د جوارو او مېوو اصلاح شوي تخمونو تولید په منظور د کرلو او هرزه بوتو د کنترول درملو مرسته وکړه.
د ننګرهار د کرنې، اوبولګولو او مالدارۍ رییس مولوي عبدالستار محمد وویل هلال هډوال کرنیز شرکت د اته جریبه ځمکي لپاره د جوارو ژر رسه او دوه جریبه مېوو اصلاح شوی تخمونو د کرلو، کیمیاوي سرو او د هرزه بوټو د کنټرول درملو مرسته وکړه.
دغه راز محمد وایې د فارم د هرزه بوټوکنټرول او په یاده ځمکه د ټولو کرنیزو چارو لګښت هم هلال هډوال کرنیز شرکت پري کوي.
د ننګرهار څېړنیز فارم چې په ۵۰ جریبه ځمکه جوړه شوې، اوسمهال پکې د جوارو سربېره پر شولو، مېوو او سویابینو بېلابېلې تجروبې روانې دي.
