هلمند کې یوشمېر مالداران ورزول شول
د هلمند ولایت د کرنې، اوبو لګولو او مالدارۍ ریاست لخوا، ددې ولایت د ناوې ولسوالی اړوند درېوو سیمو پنجادو، لنډي ښاخ، اونیګارین کې د افغانستان لپاره د هالنډ کمیټې په مالي همکارۍ دحیواناتو څخه و انسانانو ته دساري ناروغیو د ېږد مخنیوی په اړه ٩٢ تنو مالدارانو ته عامه پوهاوی ورکړل شو.
ددې ترڅنګ نوموړو مالدارانو سره د کورک او د وزو دوړیو څخه دصنعت په موخه دارزښت اړوند معلومات شریک شول. ددې ترڅنګ له مالدارانو څخه د وړیو درانیولو او سوداګرو سره د د اړیکو برابرولو برخه کې ورته د بشپړې همکارۍ ډاډ ورکړل شو.
همدارنګه د نوموړې ولسوالی اړوند شوره ګز سیمه کې، ٢٥ تنو بزګرو ته د انساني قاچاق، نورو هېوادونو ته د مهاجرت مخنیوی او د دنوبتي کرهڼي په هکله فني معلومات ورکړل شول.
