ننګرهار کې یوشمېر بزګران وروزل شول

د ننګرهار د کرنې، اوبولګولو او مالدارۍ ریاست اړوند د بوټو ساتنې مدیریت کارکونکو له لورې ددې ولایت په ۳ ولسوالیو  کې ۵۰ تنو کرونده ګرو ته روزنه ورکړل شوه.
د ننګرهار کرنې ریاست د بوټو ساتنې سیمه ییزو کارکوونکو له لورې په بټي کوټ،  خوګیانو او کوزکونړ ولسوالیو کې ۵۰ تنو بزګرانو ته د جوارو د تني چینجی، هرزه وښو مخنیوي،  د سبو او نورو بوټو کې د ناروغیو او افاتو د هراړخیز کنټرول په موخه روزنه ورکړل شوه .
دغه راز په يادو ولسوالیو کې بزګرانو او بڼوالو ته په بڼونو  کې د کیمیاوي درملو استعمال، د ژغورنې احتیاطي  تدابېرو، د درملو زیانونو او ګڼو نورو برخو کې هم روزنه ورکړل شوه.
د ننګرهار د کرنې، اوبولګولو او مالدارۍ ریاست هڅه کوي، چې د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې ترڅو د ناروغیو مخنیوي وشي او بزګران له زیانونو خلاص شي.