لوګر کې پر لسګونه څارویو لرونکو د څارویو خوراکي توکي ووېشل شوې
د لوګر ولایت دکرنې، اوبولګولو او مالدارۍ ریاست د کرنې د پراختیا نړیوال صندوق په مالي ملاتړ او د هالنډ کمېټې په تخنیکي همکارۍ د دې ولایت خروار ولسوالی کې پر۱۰۰ مالدارانو د دوی د وریو او پسونو د مزي کولو په پار د څارویو خوراکه او ځینې توکي وېشلي دي.
ددې پروګرام په ترڅ کې هر مالدار ته د څارویو ۱۰۰ کیلوګرامه متراکمه خوراکه، د تروو ځګ، د پنیر جوړونې دیګونه او د کروت جوړونې بکسونه وېشل شوي دي.
ددې مرستې له وېش موخه د څارویو د متراکمو خوراکي توکو ترویج، د غوښې د تولید زیاتوالی، د مالدارانو اقتصادي پیاوړتیا او خلکو ته دکار زمینه برابرول دي.
دا په داسې حال کې ده، چې تر دې وړاندې هم د لوګر ځینو ولسوالیو کې پر څارویو لرونکو د څارویو خوراکه وېشل شوې وه.
