کونړ کې د کرنیزو محصولاتو مدیریت؛ د ۱۱۰ کرنیزو پروژو د پلي کېدو چارې پیل شوې

user-admin
دوشنبه ۱۳۹۹/۲/۲۹ - ۸:۵۷
کونړ کې د کرنیزو محصولاتو مدیریت؛ د ۱۱۰ کرنیزو پروژو د پلي کېدو چارې پیل شوې

کونړ کې د کرنیزو محصولاتو مدیریت؛
د ۱۱۰ کرنیزو پروژو د پلي کېدو چارې پیل شوې
۲۹ غویی ۱۳۹۹
د کرنیزو محصولاتو مدیریت د برنامې چارې نن په کونړ ولایت کې هم پیل شو.
ددې برنامې پر اساس په کونړ ولایت کې د ۵۹ میلیونه افغانیو په لګښت  ۱۱۰ پروژې، چې په کې د پیازو او کچالو زېرمتونونه جوړول او د سبو او مېوو لمریز وچوونکي دستګاوې وېشل شامل دي پلي کیږي.
په کونړ کې د کرنیزو محصولاتو مدیریت د برنامې د پروژو د بنسټ ډبره ددې ولایت والي، د ولایتي شورا مشر، سیمه ییزو چارواکو او یوشمېر بزګرانو په شتون کې کېښود ل شوه.
په همدې موخه په جوړه شوې غونډه کې د کونړ د کرنې رییس انجنیر نجیب الله عادل  وویل، چې د نویو کرنیزو پروژو د پلي کېدو موخه هېوادوالو لپاره کاري فرصتونه برابرول او د کرنیزو محصولاتو د خوساکېدو او ضایع کېدو مخنیوی دی. هغه وویل، چې په دې ولایت کې د کرونا په پېر کې د کرنیزو محصولاتو مدیریت، د برنامې په اډانه کې په بېلابېلو کرنیزو برخو کې ۱۱۰ پروژې پلي کيږي.
عادل زیاته کړه، چې په دغو پروژو کې  د کچالو ۴۰ زېرمتونونه او د پیازو ۴۰ زېرمتونونه  جوړول او دغه راز پر بزګرانو او بڼوالو د سبو او مېوو ۳۰وچوونکي لمریز دستګاوې وېشل شامل دي.
په همدې حال کې د کونړ والي عبدالستار مرزکوال د کرنیزو محصولاتو د مدیریت په پار د کرنې وزارت هلې ځلې وستایل  او زیاته یې کړه، چې په دې ولایت کې پلي کېدونکې پروژې به د دې ولایت د کرنیزو محصولاتو په خوندیتابه کې رغنده رول ولري.
د کرونا په پېر کې د کرنیزو محصولاتو د مدیریت طرحه د بڼوالو او بزګرانو اړتیاوو ته په کتو، د دوی لپاره کرنیز بنسټونه جوړوي. بزګران او بڼوال د دغو بنسټونو د جوړولو  یوازې ۱۰ سلنه لګښت ورکوي او ۹۰ سلنه نور لګښت یې د کرنې وزارت له خوا ورکول کیږي.
ددې طرحې په اډانه کې، په بېلابېلو ولایتونو کې بڼوالو او بزګرانو لپاره زرګونه ممیزخونې، د پیازو او کچالو زرګونه زېرمتونونه او د مېوو د ساتنې په پار سلګونه صفر انرژۍ سارک سړې خونې جوړیږي. دغه راز ددې برنامې پر اساس، پر بڼوالو او بزګرانو د مېوو او سبو زر وچوونکي آلې هم وېشل کیږي.
دغه طرحه د روان مالي کال تر پایه په بشپړه توګه عملي کیږي او د پلي کېدو پر وخت او له هغه وروسته زرګونو کسانو ته د کار زمینه برابروي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت