کندهار کې د کرنیزو محصولاتو مدیریت د پروژې چارې تر ۳۰سلنه بشپړ شوې

mail-admin
چهارشنبه ۱۳۹۹/۵/۲۹ - ۱۳:۷
کندهار کې د کرنیزو محصولاتو مدیریت د پروژې چارې تر ۳۰سلنه بشپړ شوې
۲۹ زمری ۱۳۹۹
د کندهار د کرنې، اوبولګولو او مالدارۍ ریاست وایي، چې په دې ولایت کې د کرنیزو محصولاتو مدیریت د پروژې په اډانه کې، چې د ۱۰۱۰ پروژو چارې پیل شوې وې، تر ۳۰ سلنه بشپړ شوي دي، چې په پلي کېدو سره یې زرګونو کسانو ته د کار زمینه برابره شوې ده.
د کندهار د کرنې رییس سید حفیظ الله سیدي وویل، چې دغه پروژې د کندهار ښار ترڅنګ ددې ولایت د ارغنداب، ژېړۍ، دامان، پنجوایي، شاولیکوټ، تخته پل، ارغستان، سپین بولدک او مېوند ولسوالیو کې د زرګونه ټنه مېوو اوسبو د ساتنې په وړتیا سره جوړیږي.
د کندهار د کرنې رییس سید حفیظ الله سیدي وايي: «کندهار کې دکرنیزو محصولاتو مدیریت د پروژې په اډانه کې په ټولیزه توګه ۱۰۱۰ پروژې د پلي کېدو په حال کې دي، چې له دې ډلې ۹۱۱ یې ممیزخونې، ۵۲ د انارو لپاره سارک سړې خونې، د کچالو څلور زېرمتونونه او ۴۳ نور یې د مېوو او سبو د ساتنې په پار زېرمتونونه دي، چې ددغو پروژو د یوشمېر هغو رغنیزې چارې تر ۳۰ سلنه بشپړ شوي او پاتې چارې به یې هم ډېر ژر بشپړ او ګټې اخیستنې ته به وسپارل شي.»
ښاغلی سیدي زیاتوي: «کندهار کې د کرنیزو محصولاتو مدیریت د پروژې پلي کېدل ددې ترڅنګ چې د کندهاري بزګرانو او بڼوالو کرنیز توکي خوندي ساتي، ددې ولایت د کروندګرو او بڼوالو ستونزې راکموي، د عوایدو کچه یې زیاتوي او ترڅنګ یې زرګونو کسانو ته د کار زمینه برابروي.»
په همدې حال کې هغه کندهاري بزګران، چې دکرنې وزارت له خوا ورته سړې خونې، ممیزخونې او زېرمتونونه جوړیږي، د کرنې وزارت له خوا ددغو سړوخونو، ممیزخونو او زېرمتونونو د جوړېدو هرکلۍ کوي او هیله مند دي، چې ددغو پروژو په جوړېدو سره کروندګر د مناسب زېرمتونونو، سړوخونو او ممیزخونو خاوندان شي او د دوی د حاصلاتو د خوڅاکېدو او مالي زیانونو مخه ونیول شي.
د کندهار ولایت د پنجوایي ولسوالۍ یو تن بزګر عبدالکریم وایي: «د کرنې وزارت له خوا د کرنیزو محصولاتو مدیریت د پروژې پلي کېدل کولای شي، چې دکندهار ولایت د بڼوالو او بزګرانو مېوې او سابه په خپلو سیمو کې خوندي او د خوڅاکېدو مخه یې ونیسي.»
دغه بزګر وایي، ددې لپاره چې د کندهاري بزګرانو او بڼوالو ډېری عواید د مېوو او سبو د کرکېلي له لارې دي، نو د کرنې له وزارته غواړو چې د اصلاح شوي تخمونو په وېش او د لا ډېرو معیاري سړوخونو په جوړولو کې دې له موږ سره همکاري وکړي تر څو د کندهاري بزګرانو د ژوند او عوایدو کچه لوړ شي.
لوی کندهار د کال زرګونه ټنه وچه او تازه مېوې د هېواد د نورو ولایتونو ترڅنګ بهرنیو هېوادونو ته هم صادروي، چې مېوې یې په ځانګړې توګه انار یې غوره نړیوال شهرت هم لري. د کرنیزو محصولاتو مدیریت د پروژې له لارې د سړوخونو او ممیزخونو په جوړېدو سره د کندهار ولایت زرګونه ټنه مېوې په ځانګړې توګه د انارو او انګورو د خوڅا کېدو او په ټېټه بیه یې د پلور مخه نیول کیږي.

تازه ترین اخبار

شنبه ۱۳۹۹/۹/۱۵ - ۱۵:۳۲
Background image

د خوړو خوندیتوب په برخه کې د اسلامي همکاریو د سازمان درېیمه عمومي غونډه وشوه

۱۵ لیندۍ ۱۳۹۹
د خوړو خوندیتوب په برخه کې د اسلامي همکاریو د سازمان درېیمه عمومي غونډه، ددې سازمان د غړو په شتون کې «په غړو هېوادونو کې د خوړو د خوندیتوب ټینګښت» تر عنوان لاندې د ویډیو. . .
شنبه ۱۳۹۹/۹/۱۵ - ۱۴:۴۱
Background image

د ننګرهار کانال د زېرمو د بیا رغونې پروژې پېژندنه، کړنې او لاسته راوړنې


دهقان (بزګر) اوونیزه / جمعه‌گل اشرفی
د ننګرهار کانال د زېرمو د بیا رغونې پروژه (NVDA) د اوبولګولو یوه مهمه پروژه ده، چې د پخواني شوروي اتحاد په تخنیکي مرسته په ۱۹۶۱ زېږدیز کال کې جوړه. . .

شنبه ۱۳۹۹/۹/۱۵ - ۱۴:۲۳
Background image

د کرنې په برخه کې د ډاکټرتتسوناکامورا چوپړونه


ډاکټرتتسوناکامورد چاپان هېواد اوسیدونکی وه، ښاغلي ناکامورلوړې زده کړې د چاپان هېواد دکیوشو پوهنتون په طبې څانګه کې ترسره کړې وې. ناکامورا په ۳۸ کلنۍ کې، د جذام ناروغانو د مرستې لپاره. . .

بازگشت