کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه
۲ مرغومې ۱۴۰۲ه.ش
۱۰ جُمَادَى الثاني ۱۴۴۵ ه.ق
دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد تخنیکي پلاوی رییس مولوي فضل الباري فضلی په مشرۍ غونډه دائره کړه.
د غونډې په پيل کې دکندهار دکرنې رييس او د کمېټې مشر مولوي فضل الباري فضلي لارښوونکې وینا ترڅنګ د پلي شویو چارو ارزونه وکړه.
په دې غونډه کې، د یوشمېر عاریضونو عریضې او دوسیې و څېړل شول او ترڅنګ یې د ښاروالۍ ریاست د وړاندیز پر اساس د څلورمې ناحیې خوجک بابا په سیمه کې د نیمه دایروي پارک په سیمه کې د امارتي ریاستونو د پېرل شویو ځمکو اړوند خبرې اترې وشوې. دغه راز په دې غونډه کې د ارغستان ولسوالی د باکازو او سندروزو د کلیو ترمنځ د رود پر سر پر رامنځته شوې شخړې هم خبرې وشوې او همداراز د دامان ولسوالی د کاریز په سیمه کې د معلمینو د ښارګوټي اړوند پر ۱۵۰۰ جریبه امارتي ځمکې هم خبرې او د نظرونه تبادله وشوه.
وروستیو کي تخنیکي پلاوي د لسګونو مراجعینو املاکي ستونزې په مخامخ ډول واورېدې او د ستونزو د حل په برخه کې یې لازم اجرائت ترسره شول.
