چارو ادارې ته د قوشتیپې کانال د پروژې د لومړي فاز د سپارلو په موخه غونډه ترسره شوه
۱۸ برګولی ۱۴۰۵ هـ.ش
۲۲ ذُوالحجّة ۱۴۴۷ هـ.ق
چارو ادارې ته د قوشتیپې کانال د لومړي فاز د سپارلو په موخه، د کرنې، اوبو لګولو او مالدارۍ وزارت، د چارو ادارې لوی ریاست او د ملي پراختیا شرکت د مسؤلینو ګډه غونډه د کرنې وزارت په مقر کې جوړه شوه.
د کرنې، اوبو لګولو او مالدارۍ وزارت د اوبو لګولو او قدرتيی سرچینو مرستیال مولوي بازمحمد فیضان د اړوندو ادارو له مسؤلینو سره په لیدنه کې وویل: «موږ هر ډول همکارۍ ته چمتو یو، خو تر هغه وړاندې باید د پروژې نیمګړتیاوې وارزول شي او د حل لپاره یې لازم اقدامات ترسره شي.»
ټاکل شوې ده، چې د قوشتیپې کانال لومړی فاز د ملي پراختیا شرکت له لوري د چارو ادارې ته وسپارل شي. د پروژې د لېږد بهیر به په شپږو میاشتو کې بشپړ شي، خو د لېږد د پروسې تر پایته رسېدو پورې به د کانال د ساتنې او مراقبت مسؤلیت د کرنې، اوبو لګولو او مالدارۍ وزارت پر غاړه وي.
په دې ګډه غونډه کې، چې د کرنې وزارت د اوبو لګولو او قدرتي سرچینو مرستیال مولوي بازمحمد فیضان په مشرۍ ترسره شوه، پرېکړه وشوه، چې د یادې پروژې له اړوندو ادارو څخه یو ګډ پلاوی وټاکل شي، څو د پروژې تخنیکي ستونزې او شته نیمګړتیاوې وارزوي او د سپارلو له بهیر وړاندې یې د حل لپاره لازم اقدامات ترسره کړي.
د یادونې وړ ده، چې د قوشتیپې کانال پروژه د هېواد له سترو او ستراتیژیکو اوبو لګولو پروژو څخه شمېرل کېږي، چې د کرنیزو ځمکو د خړوبولو، د اوبو د مدیریت او د کرنیز تولید د زیاتوالي په برخه کې به مهم رول ولوبوي.
جلسهی به منظور تسلیمی فاز اول پروژه کانال قوش تیپه به اداره امور دایر گردید
۱۸ جوزا ۱۴۰۵ هـ.ش
۲۲ ذُوالحجّة ۱۴۴۷ هـ.ق
جلسه مشترک مسوولین وزارت زراعت، آبیاری و مالداری، ریاست عمومی اداره امور و شرکت انکشاف ملی به منظور تسلیمی فاز اول پروژه کانال قوش تیپه به اداره امور در وزارت زراعت دایر شد.
مولوی بازمحمد فیضان معین آبیاری و منابع طبیعی وزارت زراعت در دیدار با مسوولین ادارات ذیدخل گفت:« ما آماده هرنوع همکاری هستیم اما پیش از آن نواقصات پروژه بررسی و رفع گردد».
قرار است، فاز اول کانال قوش تیپه توسط شرکت انکشاف ملی به اداره امور سپرده شود، پروسه انتقال پروژه در مدت شش ماه انجام میشود، اما در جریان روند انتقال، مسوولیت حفظ و مراقبت آن به دوش وزارت زراعت سپرده شده است.
در جلسه مشترک مسوولین وزارت زراعت، اداره امور و شرکت انکشاف ملی به سرپرستی مولوی بازمحمد فیضان معین آبیاری و منابع طبیعی تصمیم گرفته شد تا هیاتی از ترکیب ادارات ذیدخل این پروژه را بررسی مشکلات و نواقص آن را برطرف نماید تا تسیلمدهی صورت گیرد.
