پکتیکا کې د وروستيو سېلابونو له امله زيانمنو ته د مرستې رسونې په پار بېړنۍ غونډه دائره شوه
۲۳ چنګاښ ۱۴۰۱ ه.ش
۱۵ ذوالحجَّة ۱۴۴۳ ه.ق
د پکتيکا د کرنې، اوبولګولو او مالدارۍ رياست وايي چې ددې ولايت د وروستيو سېلابونو له امله زيانمنو کورنيو سره د مرستې په پار بېړنۍ غونډه تر سره شوه.
د پکتيکا د کرنې رياست وايي، چې په دې وروستیو کې د پکتیکا په ډېریو ولسوالیو کې سېلابونه راوتلي وو او خلکو ته یې ځاني او مالي تاوانونه ور اړولي دي.
د پکتيکا د کرنې رياست وويل: "د ولایت مقام د دفتر ریاست سره په همغږي په دې ترتیب شوې غونډه کې د اطلاعاتو او کلتور ریاست په ګډون د طبیعي پېښو پر وړاندې د مبارزې، د کلیو د بيارغونې او پراختیا، دکرنې او اوبولګولو سکټورونو، پوهنې، استخباراتو، مهاجرینو، تولګتو چارو، مستوفیت، ترانسپورټ، سره میاشت او د شهداوو او معلولینو چارو ریاستونو مسؤلینو برخه اخېستې ول او د بېړنيو مرستو په برخه کې لازم تصمیمونه ونېول شول."
د دوی په خبره د يادې کمېټې له لورې ډېر ژر زیانمنو شویو خلکو لپاره اړینې مرستې ورسېږي.
د یادونې وړ ده، چې د پکتیکا په ډېریو ولسوالیو کې وروستي سېلابونه خلکو ته مالي او ځاني زیانونه اړولي دي.
