پکتیا کې په ۱۴۹ بې وزله کورنیو د وزو د وېش لړۍ پیل شو

naim.rezai
پنجشنبه ۱۴۰۰/۵/۷ - ۱۰:۲۹
پکتیا کې په ۱۴۹ بې وزله کورنیو د وزو د وېش لړۍ پیل شو

۷ زمری ۱۴۰۰
د پکتیا د کرنې، اوبولګولو او مالدارۍ ریاست چارواکي وایې، چې د ژغورنې نړیوالې کمېټې«IRC» په همکارۍ ددې ولایت د مرکز اړوند په ۲۲ کلیو کې په ۱۴۹ بېوزله کورنیو د شیدې ورکوونکو وزو د وېش لړۍ پیل شوې ده.
په دې موخه په جوړه شوې غونډه کې د پکتیا مرستیال والي عبدالولي سهي په پکتیا کې د بېوزله کورنیو د ملاتړ او ددې ولایت د مالدارۍ د پراختیا په پار د کرنې وزارت کړنې وستایل او یاده پروژه یې د بېوزله کورنیو د عوایدو د لوړولو په برخه کې اړین ګام وبلل.
مرستیال والي له مالدارانو وغوښتل، چې مالداري د ځانونو لپاره عایداتي سرچینه وګرځوي او ترویج يې کړي.
په همدې حال کې د پکتیا  د کرنې رییس انجنیر محمد دین مومند وویل، چې په یادو کلیو کې د وزو د وېش په پار سروې شوې، چې د سروې له مخې د۱۴۹ اړمنو کورنیو داقتصادي ودې په پار دوی ته شېدې ورکوونکې وزې ورکول کېږي. د ښاغلي مومند په خبره له دې ډلې ۱۰۰ یې ښځینه او ۴۹ یې نارینه مالداران دي.
دغه راز له یادو مرستو برخمن شوي کورنۍ د کرنې وزارت هلې ځلې ستایې او له اړمنو کورنیو او مالدارانو سره د کرنې ریاست له مرستو څخه مننه کوي. دوی وویل، چې د کرنې وزارت د دوی د اقتصادي ودې د غوړېدا په پار پایښت لرونکي مرستې کوي.
ددې پروژې د پلي کولو موخه په دې ولایت کې د وچکالۍ او کرونا له امله د زیانمن شویو مالدارانو د اقتصادي وضعیت ښه والي، د مالدارۍ پراختیا، ترویج، د بېوزلو کورنیو اقتصادي ملاتړ او په یاده برخه کې د کاري فرصتونو رامنځته کول دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت