پکتیا کې د څارویو خوراکي توکو او د چرگانو دانې پلورونکو استازولیو څخه څارنه وشوه

۲۲ وږی ۱۴۰۴ هـ.ش
۲۰ رَبِیعُ الْأَوَّل ۱۴۴۷ هـ.ق
د پکتیا ولایت د کرنې، اوبولګولو او مالدارۍ ریاست اړوند د څارويو روزنې عمومي مدیریت مسلکي کارکوونکو له خوا د کرنې وزارت د لارښوونې پر بنسټ، د څارویو خوراکي توکو او د چرګانو د دانې پلورونکو استازولیو څخه څارنه ترسره شوه.
په دې څارنه کې ټولو پلورونکو ته  سپارښتنه وشوه، چې هغه حیواني خوراکي مواد او د چرګانو دانې چې دغه ولایت ته واردېږي، باید په منظم ډول لیبل ولري.
همدارنګه، د څارویو روزنې آمریت مسلکي کارکوونکو په مرکز ګردیز کې د یادو استازولیو له چارواکو سره ګډه ناسته او لیدنه وکړه او په دې برخه کې ورته لازمې سپارښتنې او لارښوونې وړاندې شوې.