پکتیا کې د ټولنې په ګډون د طبیعي سرچینو د مدیریت څلور ورځنۍ ورکشاپ پیل شو

content_admin
سه‌شنبه ۱۴۰۰/۳/۴ - ۱۵:۵۴
پکتیا کې د ټولنې په ګډون د طبیعي سرچینو د مدیریت څلور ورځنۍ ورکشاپ پیل شو

۴ غبرګولی ۱۴۰۰
د پکتیا کرنې، اوبولګولو او مالدارۍ ریاست اړوند د ځمکې او ځنګلونو د تلپاتې مدیریت پروژې(FAO-GEF) له لورې د کرنې، اوبولګولو او مالدارۍ، د کلیو د بیارغونې او پراختیا، چاپیریال ستاتنې او پکتیا پوهنتون ریاستونو او د کوچیانو چارو د سمون آمریت۳۰ تنو کارکوونکو ته «د ټولنې په ګډون د طبیعي سرچینو د مدیریت» څلور ورځنۍ ورکشاپ پیل شو.
د پکتیا د کرنې، اوبولګولو او مالدارۍ ښاغلي انجنیر محمد دین د ورکشاپ ګډونوالو ته په خپلو خبرو کې وویل، چې طبیعي سرچینې ملي شتمني دي، د هغوی پالنه، ساتنه او پراختیا زموږ مئسولیت دی، په یاده برخه کې د زده کړو ترلاسه کول زموږ سره د طبیعي سرچینو په موثر مدیریت کې مرسته کوي.
ښاغلی مومند زیاته کړه، چې پکتیا ولایت د طبیعي سرچینو له مخې بډایه ولایت دی، چې په یاده برخه کې د همدا ډول ورکشاپونو جوړولو ته اړتیا لیدل کېږي. محمد دین مومند له ګډونوالو وغوښتل، چې د یاد ورکشاپ ټولو موضوعات په ښه ډول تعقیب او له ترلاسه شويو تجربو څخه په سیمه کې ګټه پورته او له بزګرانو سره يې هم شریکې کړي، تر څو د طبیعي سرچینو په مدیریت کې ښه والی رامنځته شي.
د ځمکې او ځنګلونو د تلپاتې مدیریت پروژې ولایتې مئسول محمد ابراهیم قادري یاد ورکشاپ د طبیعي سرچینو د ټولنیز مدیریت لپاره مهم وباله او زیاته يې کړه، چې د طبیعي سرچینو مدیریت د یوې ښې ټولنې په شتون کې ممکن کیدای شي.
د یادولو وړ ده، چې په یاد ورکشاپ کې به ګډونوالو ته د طبیعي سرچینو د مدیریت په برخه عملي او نظري زده کړې ورکړل شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت