پکتیا کې د نیالګیو پلورونکو څخه څارنه ترسره شوه
۵ کب ۱۴۰۳ه.ش
۲۴ شَعبان المُعَظّم ۱۴۴۶ه.ق
د پکتیا ولایت کرنې، اوبولګولو او مالدارۍ ریاست په ګډون د ولایت مقام په کچه ګډ پلاوي لخوا ددی ولایت د مرکز ګردیز ښار د مثمر او غیر مثمر نیالګیو پلورونکو څخه څارنه ترسره کړه.
په یاده څارنه کی پکتیا ولایت کرنې، اوبولګولو او مالدارۍ رئیس ښاغلی مولوي سیدامین هاشمي، د ګردیز ښاروال او د چاپېریال ساتنی رئیسانو ګډون کړی وو.
ددې څارنې په ترڅ کې د یاد پلاوي لخوا د نیالګیو پلورونکو ته لازمې سپارښتنې وکړې او ویې وویل، چې هغه یالګي چې ددې ولایت له چاپېریال او هوا سره توافق ونلري او یا هم ددې ولایت له تصدیقي قوریو لیبل ونلری باید ونه پلورل شي.
او همدارنګه یادونه یې وکړه، چې له نورو ولایتونو د نیالګلیو له انتقال څخه ډډه وکړي او کوم نیالګي، چې په دې ولایت کې نه پیدا کېږي له هغو ولایتونو څخه دې راوړل شي، چې لیبل او ددې ولایت چاپېریال او هوا سره توافق ولري.
