پکتیا کې د نباتي وبایي آفتونو د میخانیکي کنټرول عملي کمپاین پيل شو
د کرنې وزارت پلاوي د پکتیا ولایت په زرمت، احمدخېلو، لجه منګل او جانيخېلو ولسوالیو کې د یوریا اسپري، د نباتي وبایي آفتونو د مورپتدار او مورخیمهساز د میخانیکي کنټرول پروګرام عملي پړاوونه پیل کړي، چې له بڼوالو سره یې د ښاخبرۍ په اړه عملي زده کړې هم شریکې کړې دي.
د یاد کمپاین په ترڅ کې د یوریا سپري عملي چارې، د مورپتدار او مورخیمهساز آفتونو د له منځه وړلو عملي چارې د یادو ولسوالیو اړوندو کلیو کې پر بڼونو ترسره شوې.
چارواکي وایي، چې د میخانیکي کنټرول ترڅنګ، بڼوالو ته د ښاخبرۍ او د آفتونو د مخنیوي اړوند عملي زده کړې هم ورکړل شوې، څو وکولی شي د خپلو بڼونو د حفظالصحې مدیریت پیاوړی کړي.
د کرنې وزارت وایي، چې د هېواد په کچه د مورپتدار او مورخیمهساز آفتونو د کنټرول لړۍ روانه ده او تر بشپړ تطبیق به دوام ولري.
