پکتیا کې د شېدې ټولولو د مرکز رغنیزې چارې بشپړ او ګټې اخیستنې ته وسپارل شوه

content_admin
سه‌شنبه ۱۴۰۰/۳/۴ - ۹:۲۰
پکتیا کې د شېدې ټولولو د مرکز رغنیزې چارې بشپړ او ګټې اخیستنې ته وسپارل شوه

۴ غبرګولی ۱۴۰۰
د پکتیا د کرنې، اوبولګولو او مالدارۍ ریاست وايي، چې ددې ولایت په مرکز ګردیز کې د شېدې ټولولو د مرکز رغنیزې چارې بشپړ او د یاد ولایت د سیمه ییزو چارواکو په شتون کې ګټې اخیستنې ته وسپارل شوه.
د پکتیا د کرنې رییس محمدالدین مومند وایي، د شېدې ټولولو دغه مرکز چې دکرنې وزارت له پراختیایي بودیجې څخه جوړه شوې ده، د جوړولو لګښت یې ۳.۲ میلیون افغانۍ ده. دغه مرکز چې په ۲۴ ساعتونو کې له درې تر پنځه زره لېټره شېدې د ټولولو په وړتیا سره جوړه شوې عصري خونې، د زېرمې خونه، او ګدام لري.
ښاغلی مومند وایي، چې د شېدې ټولولو یاد مرکز په مستقیمه توګه له کلیوالو مالدارانو شیدې راټولوي او په دې مرکز کې یې پروسسوي، چې هم د کلیوالو مالدارانو د اقتصادي ودې لامل کېږي او هم په هېواد کې د لبنیاتو د پروسس د پراختیا په برخه کې د پام وړ مرسته کوي.
په دې اړه جوړه شوې غونډه کې، د پکتیا مرستیال والي عبدالولي سهي وویل، چې دغه مرکز به د مالدارانو ستونزې د خپلو محصولاتو د عرضه کولو په برخه کې تر ډېره حل کړي او له مالدارانو یې وغوښتل، چې خپلې مالدارۍ ته پراختیا ورکړي او د وطني محصولاتو په زیاتوالي کې د پام وړ بدلون راولي. هغه دغه راز له هېوادوالو وغوښتل، چې د بهرنیو توکو پر ځای له خپلو تولیداتو څخه ګټه پورته کړي.
ښاغلی سهي د کرنې ریاست کړنې او هڅې وستایلې، چې د کرنې او مالدارۍ په برخه کې یې ترسره کړي دي.
د مالدارانو په استازولی ملک ظفر او عبد الرحمن خبرې وکړې، د شېدو راټولو د یاد مرکز په جوړېدو یې خوښي څرګنده کړه او د کرنې ریاست څخه یې مننه وکړه، چې تل یې د بزګرانو او مالدارانو لپاره نه ستړې کیدونکې هلې ځلې او خدمتونه کړي دي.
په ورته وخت کې، ددې غونډې په ترڅ کې ۱۰۰ مالدارنو ته د شېدې ټولولو کېټونه هم ورکړل شول.
د یادو مرکزونو د جوړولو موخه د مالدارۍ د تولیداتو له لارې د خوړو خوندیتوب، د مالدارۍ وده او پراختیا، د مالدارۍ محصولاتو زیاتوالی، د مالدارۍ محصولاتو ته بازارمونده، دمالدارانو ستونزو ته رسېدنه او په ټوله کې د مالدارانو اقتصادي وده ده.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت