پکتیا کې د زعفرانو ۲۱ ننداریزې کروندې جوړېږي

naim.rezai
پنجشنبه ۱۴۰۰/۵/۷ - ۱۶:۲۴
پکتیا کې د زعفرانو ۲۱ ننداریزې کروندې جوړېږي

۷ زمری ۱۴۰۰
د پکتیا د کرنې، اوبولګولو او مالدارۍ ریاست چارواکي وایي، چې د زعفرانو د لا پراختیا په پار یې هڅې پیل کړي دي، چې سږ کال د یاد ولایت په مرکز او یوشمېر ولسوالیو کې د زعفرانو ۲۱ ننداریزې کروندې جوړېږي.
د پکتیا د کرنې رییس انجنیر محمد دین مومند وایي، چې ددې ولایت په مرکز ګردیز، احمد ابا، سیدکرم، شواک، ګرده څیړۍ او وزې ځدراڼ ولسواليو کې د زعفرانو د تولید زیاتوالي او دودولو په موخه ۲۱ ننداریزې کروندې جوړیږي، چې په همدې موخه بزګرانو ته د زعفرانو د پیازو د وېش لړۍ د پکتیا مرستیال والي عبدالولي سهي، قومي مشرانو او بزګرانو په شتون کې پیل شوې.
ښاغلي مومند وویل، چې زعفران په نړۍ کې د زیات اقتصادي ارزښت په درلودو سره د سرو زرو نوم خپل کړئ، همدغه مهم نبات ددې توان لري، چې په لږه ځمکه کې ډېر حاصل ورکړي، د اوبو اړتیا يې کمه، کرنیزې چارې یې اسانه او د پکتیا اقلیم سره مناسب توافق لري.
د پکتیا د کرنې رییس وویل، چې هر بزګر ته ۵۰۰ کیلوګرامه د زعفرانو تخم ورکول کېږي، چې په کرلو سره به يې د بزګرانو د اقتصادي وضعیت په ښه والي کې رغنده رول ولوبوي.
په همدې حال کې د پکتیا مرستیال والي عبدالولي سهي په خپلو خبرو کې وویل، چې اقتصادي ځان بسیاینې ته د رسېدو لپاره د کرنې سکټور پراختیا مهم رول لري. هغه پر بزګرانو غږ وکړ، چې په کرنه کې پانګونه وکړي او د زعفرانو دودولو ته ځانګړې پاملرنه وکړي.
باید وویل شي، چې د زعفرانو د کرکیلې، روزنې او حاصل راټولولو په اړه انتخاب شويو بزګرانو ته عملي او نظري روزنې هم ورکول کېږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت