پکتيا کې د نيالګيو کېنولو دکمپين پيل د يو افغان يو نيالګی تر شعار لاندې نږدې ۴۰۰ زره نيالګي اېښودل کېږي

content_admin
پنجشنبه ۱۳۹۹/۱۲/۲۱ - ۶:۵۸
پکتيا کې د نيالګيو کېنولو دکمپين پيل د يو افغان يو نيالګی تر شعار لاندې نږدې ۴۰۰ زره نيالګي اېښودل کېږي

۲۱ کب ۱۳۹۹
دکب شلمه چې په هېواد کې د نيالګيو کېنولو ملي ورځ ده،  په هېواد کې د نيالګيو کېنولو ملي کمپين هم پيلېږي. په همدې موخه دکابل او ګڼو نورو ولايتونو تر څنګ د پکتيا په ولايت کې هم د کب په شلمه د سولې او سمسورتيا، يو افغان يو نيالګی تر شعار لاندې د نيالګيو کېنولو کمپين پيل شو.
په دې اړه جوړه شوې غونډه کې د پکتيا مرستيال والي عبدالولي سهي، دکرنې رييس انجنير محمد دين مومند، د ولایتي ادارې ريیسانو، قومي مشرانو، مدني فعالانو او ځوانانو کډون درلود.
دغونډې په پيل کې دپکتيا د چاپېريال ساتنې د ادارې مشر
بهیرګل صابري د ونو په ارزښت خبرې وکړې. صابري وویل، چې ونې د تولید ترڅنګ د چاپېریالې ناورینونو په مخنیوي کې رغنده رول لوبوي.
ورپسې د پکتيا دکرنې رييس د ونو او نيالګيو پر اهميت خبرې وکړې. ښاغلی مومند  په خپلو خبرو کې وویل، چې ونې او کرنیزه پراختیا د بېوزلۍ د مخنیوي، د کاري فرصتونو د رامنځته کېدو، د عایداتو د زیاتوالي، چاپېریال ساتنې، د خوړو تولید او د ملي اقتصاد لوړوالي لپاره مهم دي.
د پکتيا د کرنې رييس وويل، چې د يادو موخو د تر لاسه کولو په پار  د کرنې ریاست، دهمکارو برنامو او د خصوصي سکتور د ټولنو له خوا به سږکال په پکتيا کې ۳۶۷زره او ۸۷۶ مېوه لرونکي، بې مېوې او زینتي نیالګي کېنول شي.
ښاغلي مومند د پکتیا له ولسونو وغوښتل،  چې د طبیعي ځنګلونو ترڅنګ د نویو کېنول شويو نیالګيو ساتنې، روزنې او پالنې ته ځانګړې پاملرنه وکړي، ترڅو یو زرغون، سمسور او پر ځان باسیا هېواد ولرو.
دغه راز د پکتيا مرستيال والي عبدالولي سهي د نیالګيو د کېنولو په یاد کمپين کې د پکتیا د ولسونو د ونډې اخیستنې هرکلی وکړ او زیاته يې کړه، چې د هېواد سمسورتیا او ښېرازي د هر افغان مسوولیت دی. ښاغلی سهي د دولتي ادارو له مسوولینو او د پکتیا له ولسونو وغوښتل، چې د هېواد د سمسورتیا او ابادۍ لپاره  یو نیالګی د ځان او بل د هېواد لپاره کېنوي.
بايدوويل شي، چې دنيالګيو کېنولو دسږني ملي کمپين په ترڅ کې به په ټول هېواد کې څه باندې ۲۵ ميليونه نيالګي کېنول شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت