پروان ولایت کې په شپږزره او ۵۲۰ بزګرانو اصلاح شوې تخمونه ویشل کیږی

۱۱ لړم ۱۳۹۹
د پروان ولایت د کرنې، اوبولګولو او مالدارۍ ریاست چارواکي وایې، پروان ولایت کې په شپږزره او ۵۲۰ بزګرانو اصلاح شوې تخمونه ویشل کیږي.
د نوموړې ریاست چارواکو زیاته کړه، د پروان ولایت د ټولو ولسوالیو په بزګرانو به ۳۲۶ متریک ټنه اصلاح شوې تخمونه و ویشل شي. یاد تخم د کرنې، اوبولګولو او مالدارۍ وزارت لخوا د۸ میلیونه ۶۷۱ زره او ۶۰۰افغانې په ارزښت چمتوشوی دی.
د کرنې، اوبولګولو او مالدارۍ وزارت هرکال په یو شمیر بزګرانو اصلاح شوې تخمونه ویشي او سږکال یې دا لړۍ مخکې له کرکېلې څخه شروع کړې ده. مخکې له دي یو شمیر بزګرانو ته له کرکېلې وړاندې اصلاح شوې تخمونه په واک کې نه ورکېدل، چې بزګرانو به انتقاد درلود. مګرسږکال بزګران له کرکېلې څخه مخکې د اصلاح شویو تخمونو د ویش لړۍ ته خوشبین دي.