هېواد کې د سوداګریزو بڼونو پراختیا په پار د کرنې وزارت هڅې؛ نورستان کې د انګورو سوداګریز بڼونه جوړېږي
۲۸ سلواغه ۱۴۰۳ه.ش
۱۷ شَعبان المُعَظّم ۱۴۴۶ه.ق
د نورستان دکرنې، اوبولګولو او مالدارۍ ریاست چارواکي وایي، چې ددې ولایت د نورګرام، کامدېش، وایګل او واما ولسوالیو کې ځمکوالو او بڼوالو ته د انګورو ۱۰ سوداګریز بڼونه جوړېږي.
دا پروژه د نورستان ولایت د کرنې، اوبو لګولو او مالداري ریاست د پراختیایي پروژې له لارې د ۴۲۸ زره او ۷۰۰ په لګښت پلی کېږي.
دغه راز ټاکل شوې، هغو بڼوالو او ځمکوالو ته چې د انګورو سوداګریز بڼونه ورته جوړېږي، د پستې د انګورو بڼونو د ځمکې ډیزاین او نقشې او همداراز د انګورو بڼونو جوړولو اړوند اړینې لارې چارې په عملي او نظري ډول وښودل شي.
ددغو بڼونو په جوړېدو سره نه یوازې د مېوو تولید زیاتېږي، بلکې د سيمې بزګرانو ته به د کار زمینه برابرېږي.
افغانستان د کال په درېیو فصونو کې بهرنۍ مېوې واردوي او دا مېوې له لرېو هېوادونو په لوړه بیه هېواد ته واردېږي. د کارپوهانو په خبره په هېواد کې د سوداګریزو بڼوڼو په جوړېدو سره به د بهرنیو وارداتو مخه ونیول شي.
