هلمند کې پر لسګونو مالدارانو د شېدو د پروسس توکو وېش لړۍ پیل شوه
۱۱ کب ۱۴۰۳ه.ش
۱ رَمَضانُ المُبارَک ۱۴۴۶ه.ق
د هلمند ولایت د کرني، اوبولګولو او مالدارۍ ریاست لخوا، د افغانستان لپاره د هالینډ کمیټې په مالي همکارۍ، څه موده وړاندې د ناو ، مارجې او ګرمسېر ولسوالیو پر ۶۵ بې وزلو او اړمنو کورنیو د شېدو وزې او حیواني خوراکه ووېشل شول، چې په ترکیب کې یې هرې مستحقې کورنئ ته ٢ رأسه د شیدو وزې ، ١٠٠ کیلوګیرامه خوراکه او د اوبو او خوراک لوښي شامل و.
دیادې پروسې په تعقیب همدغو کورنیو ته د شېدو د پروسس په برخه کې د اړینو توکو وېشلو چارې هم پیل شوي دي.
ددغو مرستو موخه د بېوزله کورنیو لاسنیوی، په کور دننه بې کفالته کورنیو ته د کاري زمینې برابرول او د ناداره کورنیو د لومړنیو اړتیاو پوره کول دي.
