هلمند کې د ۱۵۵ عصري ممیزخونو رغنیزېچارې د بشپړېدو په درشل کې دي

mail-admin
پنجشنبه ۱۳۹۹/۶/۲۷ - ۱۳:۸
هلمند کې د ۱۵۵ عصري ممیزخونو رغنیزېچارې د بشپړېدو په درشل کې دي


۲۷ وږی ۱۳۹۹
د هلمند دکرنې، اوبولګولو او مالدارۍ ریاست وایي، په دې ولایت کې د کرنیزو محصولاتو مدیریت د پروژې په اډانه کې د ۱۵۵عصري ممیزخونو رغنیزې چارې بشپړېدو په درشل کې دي او د یوې اوونۍ په ترڅ کې به یې رغنیزې چارې بشپړ او د انګورو بڼوالو په واک کې به ورکړل شي.
د هلمند دکرنې رییس زلمی الکو وایي، چې دغه عصري ممیزخونې ددې ولایت په مرکز لښکرګاه، نادعلي، ناوې، ګرمسیر، مارجې او نهرسراج ولسوالیو کې جوړیږي.
ښاغلی الکو وویل: «هلمند هر کال زرګونه ټنه انګور توليدوی، پر دې سربېره چې تازه انګور خرڅوي، د انګورو د وچولو او ممیزو لپاره هم عصري ممیز خونو ته اړتيا لري، چې دغه اړتيا اوس د کرنې وزارت له خوا پوره کیږي.»
یاد ممیزخونې په دې ولایت کې د کرنیزو محصولاتو مدیریت، د ممیزخونو د صنعت د ترویج، د بڼوالو د اقتصاد لوړولو او د انګورو باغونو د محصولاتو د ارزښت لوړولو په پار په معیاري او اسټنډرد ډول جوړیږي. ددې ترڅنګ دغه ممیز خونې د معیاري او ښه کیفیت لرونکي ممیزو د تولید لامل کیږي او همداراز د انګورو د ضایعاتو مخه نیسي.
په هلمند کې تر دې وړاندې هم د کرنې وزارت د بڼوالۍ او مالدارۍ ملي پروژې «NHLP» او مرسي کورپ موسسې په مالي همکارۍ ۲۷ عصري ممیزخونې جوړ او د انګورو بڼوالو په واک کې ورکړل شوي دي.

تازه ترین اخبار

سه‌شنبه ۱۴۰۴/۳/۱۳ - ۱۰:۹
Background image

هلمند کې د څارویو سټراګانو پلورنځیو څارنه وشوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د هلمند ولایت د کرنې، اوبو لګولو او مالدارۍ ریاست اړوند د مالدارۍ او حیواني روغتیا امریت کارکوونکو د هلمند ولایت په مرکزي سیمه کې هغه. . .

سه‌شنبه ۱۴۰۴/۳/۱۳ - ۱۰:۹
Background image

د هلمند دوو ولسوالیو کې د طبیعي کبانو نیونې په تور ۱۳ تنه نیول شوي

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
وروسته له هغې چې هلمند کې د طبیعي کبانو د نسل ختمېدو د مخنیوي په پار په دې ولایت کې د طبیعي کبانو پر ښکار بندیز ولګېد، د دې ولایت کرنې،. . .

سه‌شنبه ۱۴۰۴/۳/۱۳ - ۱۰:۶
Background image

د پکتیکا په یحی خېل ولسوالی کې د کچالو د ۲۰ صفر انرژۍ زېرمه تونونو د بنسټ ډبره کېښودل شوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د کرنې، اوبولګولو او مالدارۍ ریاست رییس الحاج مولوي محمد زمان عمري د یاد ریاست د یو شمېر کارکوونکو په ملتیا د یحی خېل ولسوالۍ ته د سفر په. . .

بازگشت