هلمند کې د کب روزنې فارمونو ته د کبانو خوراک او اړین توکي ووېشل شول
۱۴ تله ۱۴۰۳ه.ش
۲ رَبِیعُ الْثاني ۱۴۴۶ه.ق
د هلمند ولایت د کرنې، اوبو لګولو او مالدارۍ ریاست له خوا، د کب روزنې د فارمونو د پیاوړتیا په موخه ګڼو فارم لرونکو ته د کبانو خوراکه او اړین توکي ووېشل شول. ددغو توکو به وېش غونډه کې د هلمند دکرنې ریاست د مالدارۍ او څارویو روغتیا آمر حافظ هدایت الله هدایت او د ادارې یو شمېر نورو کارکوونکو هم حضور درلود.
په دې پروسه کې ۲۴ هغه فارمونه چې له دې ادارې سره ثبت دي، د درېیو ورځو په موده کې د زده کړو ترڅنګ، د کیټونو او د کبانو د خوراکي توکو مرسته ترلاسه کړه، چې په ترڅ کې یې هر فارم ته ۷ بوجۍ د کبانو خوراکه او اړوند مهم توکي ورکړل شول.
دغه مرستې د ځنځیري ارزښت مؤسسې په مالي ملاتړ چمتو شوې وې، چې په هلمند کې به د کب روزنې د فارمونو په ښهوالي او پراختیا کې مهم رول ولوبوي.
