هلمند کې د ځمکې غصب مخنیوي تخنیکي پلاوي غونډه دائره شوه
۷ کب ۱۴۰۲ه.ش
۱۵ شَعبان المُعَظّم ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ٩۹ یمه نوبتي غونډه ترسره کړه.
په یاده غونډه کې د یادې کمېټې رییس مولوی نیاز محمد وهاج تر څنګ نورو غړو هم حضور درلود.
تخنیکي پلاوي په نننۍ ناسته کې پر بېلابېلو موضوعاتو بحث او خبرې وکړې او په اړه یې لازمې کړنې ترسره کړې.
په دې غونډه کې د ځمکو د غصب مخنیوی کمیسون لخوا راغلیو د غصب پر دو موضوعاتو باندې بحث او خبرې وشوې او د یادو هدایتونو د عملي تطبیق په موخه ورباندې د ګډونوالو نظرونه واخیستل شول.
تخنیکي پلاوي په یاده ناسته کې د خپلو کړنو سرته رسولو په موخه د عمل یو پلان ترتیب کړ چې د عملي تطبیق په موخه به د مقاماتو سره هم شریک کړل شي.
وروستیو کې د تخنیکي پلاوي لخوا د غصب په ځینو نورو مهمو مواردو کې هم تصمیمونه ونیول شول او د عملي تطبیق په برخه کې یې لازمې پریکړې وکړې.
