هرات ولایت ته د کرنې وزارت د اطلاعاتو او عامه پوهاوی د رییس سفر

۲۵ لړم ۱۴۰۴ هـ.ش
۲۵ جُمَادَى الأول ۱۴۴۷ هـ.ق
د کرنې، اوبولګولو او مالدارۍ وزارت د اطلاعاتو او عامه پوهاوي رییس او وياندوی مولوي شیرمحمد حاتمي، د دې ریاست د یو شمېر کارکوونکو په ملتیا هرات ولایت ته سفر وکړ.
د سفر پر مهال نوموړي د هرات ولایت د کرنې، اوبولګولو او مالدارۍ له رییس مولوي عبدالحي شاکر، سره وکتل او د ولایت د کرنیزو فعالیتونو، همکاريو او راتلونکو پروګرامونو په اړه یې خبرې اترې ترسره کړې.
همدارنګه په دغه ناسته کې په هرات ولایت کې د وزارت د فعالیتونو او لاسته راوړنو د مستندسازۍ، او همدارنګه د کره، مؤثر او پر وخت اطلاع‌رساني پر اهمیت ټینګار وشو، تر څو د وزارت کړنې او لاسته راوړنې په ښه ډول ثبت او د عامو خلکو او ذینفعانو لپاره څرګندې او د لاسرسي وړ شي.