نورستان کې پر دوه زره بزګرانو د غنمو اصلاح شوي تخمونه او کیمیاوي سرې ووېشل شوې
۱۸ لړم ۱۴۰۴ هـ.ش
۱۸ جُمَادَى الأول ۱۴۴۷ هـ.ق
د نورستان ولایت د کرنې، اوبو لګولو او مالدارۍ ریاست د معلوماتو له مخې، د دغه ولایت په مرکز او ولسوالیو کې د ملګرو ملتونو د خوړو او کرنې ادارې «اف.اې.او» په مالي او د «ایسو» مؤسسې په تخنیکي همکارۍ د دوه زره مستحقو بزګرانو ترمنځ د غنمو اصلاح شوي تخمونه او کیمیاوي سرې ووېشل شوې.
د وېش دغه بهیر د نورستان دکرنې ریاست تر نظارت لاندې ترسره شوه. د پلان له مخې، هر بزګر ته ۵۰ کیلوګرامه اصلاح شوی د غنمو تخم، ۵۰ کیلوګرامه توره کیمیاوي سره او ۵۰ کیلوګرامه سپینه سره (یوریا) ورکړل شوي دي.
دنورستان د کرنې ریاست چارواکي وایي، دا مرسته د بزګرانو د حاصلاتو د زیاتوالي، د کرنیزو چارو د ودې او د خوست ولایت د کرنې سکتور د پیاوړتیا په موخه عملي شوې ده.
بزګران د دې پروګرام هرکلی کوي او تمه لري، چې د یادو مرستو په مټ به د دوی د غنمو حاصلات د پام وړ لوړ شي.
