ننګرهار کې پر یوشمېر مخکښو بزګرانو د کرنې اړونده توکي ووېشل شول
۵ سلواغه ۱۳۹۸
د ننګرهار د کرنې، اوبولګولو او مالدارۍ ریاست د بڼوالۍ او مالدارۍ ملي پروژې « NHLP» په همکارۍ ددې لایت ۵۲ مخکښو بزګرانو سره د یو میلیون او ۳۰۰ زره افغانیو په رازښت د بڼوالۍ او کرنې اړونده توکو مرسته وکړه.
ددې مرستې په وېش غونډه کې د ننګرهار د کرنې، اوبولګولو او مالدارۍ ریاست سرپرست ډاکټر محمد ضمیر بهسودي وویل، چې له دغو مرستو برخمن شوي بزګران په خپلو کرنیزو فعالیتونو کې د کرنې ریاست سپارښتنې علمي کړي او نورو بزګرانو سره یې هم شریکې کړي دي؛ ځکه یې ورسره دا مرستې وکړې.
ښاغلي بهسودي وویل، چې له دغو مرستو برخمن شویو بزګرانو ته «د ونو د ښاخونو د پرېکولو لوی او کوچنۍ قیچي، اره، زینه، بیک، د درملو پمپونه، د بڼوالۍ توکي، محافظتي جامې» او نور اړین توکي ورکړل شوي دي.
ددغو مرستو د وېش موخه د بڼوالو او بزګرانو ملاتړ او په دې ولایت کې د کرنې او بڼوالۍ د محصولاتو معیاري کول دي.
له دغو توکو څخه برخمن شوي بزګران د کرنې وزارت له هلوځلو څخه د منني ترڅنګ ژمنه وکړه، چې د کرنې او بڼوالۍ د حاصلاتو د زیاتوالي په پار هلې ځلې لا ډېر وي.
